ایک نئی تحقیق میں انکشاف ہوا ہے کہ مخصوص غذائی پابندیاں، خاص طور پر کیلوریز یا غذائی اجزاء کم کرنے والی ڈائٹس، ڈپریشن کے خطرات میں اضافہ کر سکتی ہیں۔
یہ تحقیق بی ایم جے میں شائع ہوئی جس میں امریکی نیشنل ہیلتھ اینڈ نیوٹریشن ایگزامینیشن سروے کے 28 ہزار 525 بالغ افراد کا ڈیٹا شامل تھا، جن میں سے 7.79 فیصد نے ڈپریشن کی علامات ظاہر کیں۔
نتائج کے مطابق کیلوری کم کرنے والی ڈائٹ پر رہنے والوں کے ڈپریشن اسکور میں اوسطاً 0.29 پوائنٹس اضافہ دیکھا گیا، جبکہ اوور ویٹ افراد میں یہ اضافہ 0.46 پوائنٹس اور غذائی اجزاء محدود کرنے والی ڈائٹس میں 0.61 پوائنٹس رہا۔
ماہرین کا کہنا ہے کہ ڈائٹ ذہنی صحت پر گہرا اثر ڈال سکتی ہے، اس لیے آئندہ غذائی سفارشات میں جسمانی صحت کے ساتھ ذہنی تندرستی کو بھی مدِنظر رکھنا چاہیے۔
