کوئٹہ: کاؤنٹر ٹیررازم ڈیپارٹمنٹ (سی ٹی ڈی) نے جمعہ کے روز ڈاکٹر عثمان قاضی کے قریبی ساتھی میر خان لہڑی کو کالعدم بلوچستان لبریشن آرمی (بی ایل اے) کی معاونت کے الزام میں گرفتار کر لیا۔
سی ٹی ڈی حکام کے مطابق میر خان لہڑی نے انٹرنیشنل اسلامک یونیورسٹی اسلام آباد سے قانون کی ڈگری حاصل کی اور بعد ازاں بلوچستان حکومت میں پراسیکیوٹر کے طور پر خدمات انجام دیں۔ اس دوران ان پر الزام ہے کہ انہوں نے بی ایل اے کے کارندوں کو سہولت فراہم کی۔
ابتدائی تحقیقات سے انکشاف ہوا ہے کہ ملزم درجن سے زائد جرائم میں ملوث رہا ہے۔ سی ٹی ڈی نے اس کے کردار اور کالعدم تنظیم سے تعلقات کی مزید تحقیقات شروع کر دی ہیں۔
