ویب ڈیسک
24 اگست 2025
مرکزی رویتِ ہلال کمیٹی کا اجلاس آج (اتوار) کراچی میں ربیع الاول کا چاند دیکھنے کے لیے منعقد ہوگا۔ یہ اجلاس چیئرمین مولانا عبدالخبیر آزاد کی زیرِ صدارت نمازِ عصر کے بعد محکمہ موسمیات کے دفتر گلستانِ جوہر میں ہوگا۔
اجلاس میں وزارتِ مذہبی امور، سپارکو، محکمہ موسمیات اور وزارتِ سائنس و ٹیکنالوجی کے نمائندے بھی شریک ہوں گے جبکہ کمیٹی کے دیگر اراکین بھی موجود ہوں گے۔
اسی دوران اسلام آباد، لاہور، کوئٹہ، پشاور اور دیگر شہروں میں زونل و ضلعی رویتِ ہلال کمیٹیوں کے اجلاس بھی ہوں گے جہاں چاند کی رویت کی شہادتیں جمع کی جائیں گی۔
چاند دیکھنے یا نہ دیکھنے کا حتمی اعلان چیئرمین رویتِ ہلال کمیٹی مولانا عبدالخبیر آزاد کریں گے۔ اگر آج چاند نظر آ گیا تو عید میلاد النبی ﷺ بروز جمعہ، 5 ستمبر 2025 کو ملک بھر میں عقیدت و احترام کے ساتھمنائی جائے گی۔
