حیدرآباد، 25 اگست 2025 — وادھو واہ روڈ پر قائم شوروم مالکان کی جانب سے سڑک پر غیر قانونی تجاوزات کے باعث شدید ٹریفک جام کی صورتحال پیدا ہو گئی۔ شہریوں کے مطابق شورومز کے باہر گاڑیاں بے ترتیب انداز میں کھڑی کی گئی ہیں، جس سے تین میں سے دو ٹریک مکمل طور پر بند ہو چکے ہیں۔
عینی شاہدین نے بتایا کہ ایک ویگو ڈالہ ڈرائیور نے پیچھے آنے والی متعدد گاڑیوں کو بار بار ٹکر مار کر نقصان پہنچایا، جس سے سڑک پر خوف و ہراس پھیل گیا۔
شہریوں کی شکایات کے باوجود متعلقہ بلدیاتی اداروں کی جانب سے کوئی کارروائی عمل میں نہیں لائی گئی۔ مقامی افراد نے اس صورتحال پر شدید ناراضگی کا اظہار کرتے ہوئے کہا کہ کراچی کے مختلف بازاروں میں بھی یہی حال ہے، جہاں سڑکیں دکانداروں اور شوروم مالکان نے اپنی ذاتی ملکیت بنا رکھی ہیں۔
انتظامیہ کی غفلت شہریوں کے لیے خطرناک ثابت ہو رہی ہے اور ٹریفک کے مسائل میں روز بروز اضافہ ہو رہا ہے۔
