صادق آباد: موٹر وے ایم فائیو پر بھونگ شریف کے قریب کچے کے علاقے سے آنے والے مسلح ڈاکوؤں نے مسافر گاڑیوں پر فائرنگ کر دی، جس کے نتیجے میں متعدد مسافر زخمی ہو گئے۔
ابتدائی اطلاعات کے مطابق فائرنگ سے کئی بسوں کو گولیاں لگیں اور نقصان پہنچا۔ پولیس اور امدادی ٹیمیں موقع پر پہنچ گئیں اور زخمیوں کو قریبی اسپتال منتقل کیا گیا، جبکہ دو شدید زخمیوں کو شیخ زید اسپتال منتقل کر دیا گیا۔
واقعے کے بعد ٹریفک کو اعظم پور سروس ایریا اور گڈو انٹرچینج کے قریب روک دیا گیا۔ ملزمان فائرنگ کے بعد کچے میں فرار ہو گئے، پولیس نے ان کی گرفتاری کے لیے سرچ آپریشن شروع کر دیا ہے۔
