کراچی – شاہ فیصل کالونی کے علاقے الحیدر سوسائٹی ڈرگ روڈ میں گھر کے اندر فائرنگ کے واقعے میں ایک شخص جاں بحق جبکہ ایک لڑکی زخمی ہوگئی۔
پولیس کے مطابق جاں بحق شخص کی شناخت 26 سالہ ارتضیٰ علی ولد مظفر علی کے نام سے ہوئی، جس کی لاش چھیپا کے رضا کاروں نے ضابطے کی کارروائی کے لیے جناح اسپتال منتقل کی۔ زخمی لڑکی 18 سالہ ایمن دختر افتخار شاہ کو طبی امداد فراہم کی جا رہی ہے۔
شاہ فیصل تھانے کے ہیڈ محرر عثمان شاکر نے بتایا کہ ابتدائی معلومات کے مطابق ایمن ارتضیٰ کی زوجہ تھی، اور وہ اس سے ملاقات کے لیے گھر آیا تھا کہ اسی دوران فائرنگ کا واقعہ پیش آیا۔
پولیس واقعے کی مزید تفصیلات کے لیے اہلخانہ سے رابطے میں ہے، جس کے بعد صورتحال مزید واضح ہونے کی توقع ہے۔
