آزاد جموں و کشمیر میں ڈینگی وائرس کے کیسز میں مسلسل اضافہ جاری ہے۔
ڈینگی کنٹرول روم کے مطابق گزشتہ 24 گھنٹوں میں مزید 55 مریضوں میں ڈینگی وائرس کی تصدیق ہوئی جس کے بعد مجموعی تعداد 585 تک پہنچ گئی ہے۔
اعداد و شمار کے مطابق مظفرآباد میں 346، باغ میں 78، میرپور میں 105، جہلم ویلی میں 5، نیلم ویلی میں 9، سدھنوتی میں 3، حویلی میں 5، پونچھ میں 17 اور بھمبر میں 5 کیسز رپورٹ ہوئے ہیں۔
ڈینگی کنٹرول روم کے مطابق اس وقت مختلف ہسپتالوں میں 20 مریض زیر علاج ہیں جبکہ 139 مریض صحت یاب ہو کر گھروں کو بھیج دیئے گئے ہیں۔
