اسلام آباد – راولپنڈی کے تھانہ پیرودھائی کی حدود بنگش کالونی میں افسوس ناک واقعہ پیش آیا جہاں افغان نژاد شخص نے اپنی بیوی کو قتل کرنے کے بعد خودکشی کرلی۔ پولیس کے مطابق میاں بیوی کی شناخت امیر اور ثناء کے ناموں سے ہوئی، جنہوں نے دو ماہ قبل ٹک ٹاک پر دوستی کے بعد شادی کی تھی۔
پولیس کے مطابق واقعہ گلی نمبر 17 میں پیش آیا جہاں امیر نے اپنی بیوی ثناء کو قتل کرنے کے بعد پھندا لگا کر جان لے لی۔ یہ ثناء کی دوسری شادی تھی جبکہ پہلی شادی سے اس کا دو سالہ بیٹا بھی موجود ہے۔
ابتدائی تفتیش میں انکشاف ہوا ہے کہ شادی کے وقت امیر نے بیوی کو جلد سونے کے زیورات دینے کا وعدہ کیا تھا مگر وہ پورا نہ کرسکا، جس پر دونوں میں اکثر جھگڑا رہتا تھا۔ پولیس نے لاشوں کو پوسٹ مارٹم کے لیے اسپتال منتقل کردیا ہے جبکہ مزید تحقیقات جاری ہیں۔
