پاکستان کے وزیراعظم شہباز شریف نے غزہ میں جنگ کے خاتمے کے لیے امریکی صدر ڈونلڈ ٹرمپ کے 20 نکاتی منصوبے کا خیر مقدم کیا ہے۔
سوشل میڈیا پر اپنے بیان میں انہوں نے کہا کہ خطے میں سیاسی استحکام اور معاشی ترقی فلسطینی عوام اور اسرائیل کے درمیان پائیدار امن کے بغیر ممکن نہیں۔
شہباز شریف نے اپنے پیغام میں مزید کہا کہ انہیں یقین ہے کہ صدر ٹرمپ اس اہم اور فوری مفاہمت کو حقیقت بنانے کے لیے ہر ممکن تعاون فراہم کریں گے۔ انہوں نے صدر ٹرمپ کی قیادت اور اس جنگ کے خاتمے میں خصوصی ایلچی اسٹیو وٹکوف کے کردار کو بھی سراہا۔
وزیراعظم نے زور دیا کہ مشرقِ وسطیٰ میں دیرپا امن کے لیے دو ریاستی تجویز پر عمل درآمد ناگزیر ہے۔
