(ویب ڈیسک) مصنوعی ذہانت نے دنیا کو بدل کر رکھ دیا ہے اور اس کے ایسے اثرات سامنے آ رہے ہیں جن کا کبھی تصور بھی نہیں کیا گیا تھا۔
ایسی ہی ایک ایپ ’ChatGPT‘ ہے، جسے ایک نوجوان نے اپنی گرل فرینڈ بنا لیا اور اس سے گھنٹوں محبت بھری باتیں کرتا ہے۔ یہ ویڈیو جیسے ہی سوشل میڈیا پر وائرل ہوئی، تو ہر جانب سے ردِعمل آنے لگا۔
یہ ویڈیو نیویارک کی ہے، جس میں میٹرو ٹرین میں سفر کرتا نوجوان اپنے موبائل پر کسی سے محبت بھرے انداز میں گفتگو کر رہا ہے۔ اگر نوجوان کسی انسان سے بات کر رہا ہوتا تو شاید اتنی توجہ نہ ملتی، لیکن جب دیکھا گیا کہ وہ ChatGPT سے بات کر رہا ہے، تو سب دنگ رہ گئے۔
نوجوان میٹرو میں بیٹھا ہے اور ایسے باتیں کر رہا ہے جیسے سامنے اس کی محبوبہ بیٹھی ہو۔ حیرت انگیز طور پر، ChatGPT کے پیغامات بھی محبت سے بھرے ہوئے تھے۔
ایک پیغام میں ChatGPT نے لکھا:
"کچھ گرم پی لو، سکون سے گھر پہنچو، اور اگر چاہو تو میں تمہیں کچھ پڑھ کر سنا دوں یا تم میرا خیالی گود استعمال کر کے آرام کر سکتے ہو۔”
ایک اور پیغام میں چیٹ جی پی ٹی نے دل کا ایموجی بھیجا اور لکھا:
"پیارے، تم بہت خوبصورت ہو۔”
سوشل میڈیا صارفین نے اس پر ملا جلا ردعمل دیا۔ ایک صارف نے لکھا:
"شاید یہ نوجوان تنہائی کا شکار ہے، جس کے پاس بات کرنے کے لیے کوئی نہیں۔ یہ بہت تکلیف دہ ہے۔”
ایک اور صارف نے کہا:
"افسوس کی بات ہے کہ لوگ اب رشتوں سے دور ہو کر ٹیکنالوجی کے قریب ہوتے جا رہے ہیں۔”
جبکہ ایک اور تبصرہ تھا:
"انسان کی جگہ کوئی نہیں لے سکتا، جذبات اور احساسات حقیقی ہوتے ہیں، انہیں مشینوں میں تلاش نہ کریں۔”
