Alibaba Group نے پاکستان میں چھوٹے اور درمیانے درجے کے کاروباروں (SMEs) کے لیے مصنوعی ذہانت (AI) پر مبنی نئے سپورٹ ٹولز متعارف کرا دیے ہیں، جن کا مقصد مقامی کاروباروں کو ڈیجیٹل تجارت اور عالمی منڈی تک رسائی میں مدد فراہم کرنا ہے۔
کمپنی کے مطابق یہ اے آئی ٹولز پاکستانی کاروباروں کو اسمارٹ پروڈکٹ لسٹنگ، خودکار کسٹمر سروس، زبانوں کے ترجمے اور مارکیٹ ڈیٹا تجزیے جیسی سہولیات فراہم کریں گے، جس سے کاروباری کارکردگی بہتر اور اخراجات کم کرنے میں مدد ملے گی۔
علی بابا حکام کا کہنا ہے کہ پاکستانی ایکسپورٹرز، مینوفیکچررز اور آن لائن فروخت کنندگان ان جدید ٹیکنالوجی حلوں سے فائدہ اٹھا سکیں گے، خاص طور پر عالمی خریداروں سے رابطے اور کراس بارڈر تجارت میں آسانی پیدا ہوگی۔
ماہرین کے مطابق یہ اقدام پاکستان کی بڑھتی ہوئی ڈیجیٹل معیشت کے لیے مثبت پیش رفت ثابت ہو سکتا ہے اور مقامی کاروباروں کو عالمی ای کامرس مارکیٹ میں بہتر مقابلے کے مواقع فراہم کرے گا۔
