حکومت پنجاب نے 10 ادویات کو غیر معیاری قرار دیتے ہوئے استعمال پر پابندی عائد کر دی۔ ڈی جی ڈرگ کنٹرول پروگرام نے پنجاب بھر کے فیلڈ ڈرگ انسپکٹرز کو الرٹ جاری کر دیا۔ ناقابل استعمال قرار دیئے گئے ادویات کے بیچ مارکیٹ سے فوری ہٹانے کی ہدایت بھی کردی گئی۔
اینٹی الرجی ٹیبلٹ’’ ڈیزی‘‘ غیر معیاری قراردے دیا گیا۔ ہارٹ اٹیک کے خطرات کو کم کرنے والی دوا ’’ایسکارڈ‘‘ کا بیچ بھی مضر صحت قرار دیا گیا۔ الرجی کے علاج کی ادویات ’’سیپیزائن اور روزن ‘‘ کے استعمال سے روک دیا گیا۔ اسکن انفیکشن کے علاج کیلئے’’کیناڈیکس کریم‘‘ کا بھی بیچ مضر صحت قرار جبکہ آنکھوں کے امراض کے ڈراپس ’’نیفن‘‘ کے بیچ کے استعمال سے روک دیا گیا۔
سٹیرائل واٹر فار انجکشن پی ایس او ایل 2 ملی لیٹر، انجکشنز میٹرورائز، میٹرائن اور سیٹامن کو بھی ناقابل استعمال قرار دے دیا گیا ہے۔
