خیبر پختونخوا کے ضلع لوئر دیر میں نامعلوم مسلح افراد نے قومی کرکٹر نسیم شاہ کے حجرے (گھر کے قریب مہمان خانہ) پر فائرنگ کر دی۔ پولیس کے مطابق فائرنگ کے نتیجے میں گھر کا مرکزی دروازہ، کھڑکیاں اور ایک گاڑی کو نقصان پہنچا۔
خوش قسمتی سے نسیم شاہ کے اہل خانہ محفوظ رہے جبکہ واقعے کے وقت بولر خود راولپنڈی میں موجود تھے، جہاں وہ قومی ٹیم کے ساتھ سیریز کی تیاریوں میں مصروف ہیں۔
پولیس کے مطابق پانچ مشتبہ افراد کو گرفتار کر لیا گیا ہے اور مقدمہ درج کر کے مزید تفتیش شروع کر دی گئی ہے۔
دوسری جانب، نسیم شاہ سری لنکا کے خلاف تین ون ڈے میچز کی سیریز میں قومی ٹیم کا حصہ ہوں گے، جو 11 سے 15 نومبر تک راولپنڈی کرکٹ اسٹیڈیم میں کھیلی جائے گی۔ اس کے بعد وہ ٹی ٹوئنٹی ٹرائی سیریز میں بھی شرکت کریں گے جس میں سری لنکا اور زمبابوے کی ٹیمیں شامل ہوں گی۔ یہ سیریز 17 سے 29 نومبر تک راولپنڈی اور لاہور میں کھیلی جائے گی۔ 🇵🇰
پاکستان اسکواڈز
سری لنکا کے خلاف ون ڈے سیریز کے لیے:
شاہین شاہ آفریدی (کپتان)، ابرار احمد، بابراعظم، فہیم اشرف، فیصل اکرم، فخر زمان، حارث رؤف، حسیب اللہ، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب، سلمان علی آغا۔
ٹی ٹوئنٹی ٹرائی سیریز کے لیے:
سلمان علی آغا (کپتان)، عبدالصمد، ابرار احمد، بابراعظم، فہیم اشرف، فخر زمان، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان (وکٹ کیپر)، صائم ایوب، شاہین شاہ آفریدی، عثمان خان (وکٹ کیپر)، عثمان طارق۔
سری لنکا کے خلاف ون ڈے سیریز کا شیڈول
11 نومبر: پہلا ون ڈے – راولپنڈی کرکٹ اسٹیڈیم
13 نومبر: دوسرا ون ڈے – راولپنڈی کرکٹ اسٹیڈیم
15 نومبر: تیسرا ون ڈے – راولپنڈی کرکٹ اسٹیڈیم
ٹی ٹوئنٹی ٹرائی سیریز کا شیڈول
17 نومبر: پاکستان بمقابلہ زمبابوے – راولپنڈی
19 نومبر: سری لنکا بمقابلہ زمبابوے – راولپنڈی
22 نومبر: پاکستان بمقابلہ سری لنکا – لاہور
23 نومبر: پاکستان بمقابلہ زمبابوے – لاہور
25 نومبر: سری لنکا بمقابلہ زمبابوے – لاہور
27 نومبر: پاکستان بمقابلہ سری لنکا – لاہور
29 نومبر: فائنل – قذافی اسٹیڈیم، لاہور
