پاکستان تحریک انصاف (پی ٹی آئی) نے بلوچستان میں امن و امان کی بگڑتی صورتحال کے خلاف دی جانے والی صوبہ گیر ہڑتال کی حمایت کا اعلان کر دیا ہے۔ مقامی تنظیموں کی جانب سے ہڑتال کا اعلان بڑھتے ہوئے جرائم اور عوام میں خوف و ہراس کے خلاف احتجاج کے طور پر کیا گیا تھا۔
پی ٹی آئی قیادت نے بلوچستان کے عوام سے اظہارِ یکجہتی کرتے ہوئے کہا ہے کہ صوبے میں بڑھتی ہوئی بدامنی نے شہریوں کی زندگی اجیرن بنا دی ہے۔ رہنماؤں نے وفاقی اور صوبائی حکومتوں پر زور دیا کہ فوری اقدامات اٹھا کر عوام کے جان و مال کا تحفظ یقینی بنایا جائے۔
ان کا کہنا تھا کہ اگر بلوچستان کے مسائل کو نظر انداز کیا گیا تو عوامی محرومیوں میں مزید اضافہ ہوگا۔
