افریقی ملک یوگنڈا میں ماربرگ وائرس کا کیس سامنے آگیا ہے۔
عالمی ادارہ صحت کے مطابق یوگنڈا کے مغربی ضلع کیگیگوا میں ڈیڑھ سال کا بچہ ماربرگ وائرس سے چل بسا جو کہ انتہائی متعدی اور مہلک ہے۔
ماربرگ وائرس مدافعتی نظام پر حملہ اور ایبولا کی طرح بخار کا باعث بنتا ہے۔
مارک برگ وائرس کیا ہے؟
ماربرگ وائرس ایک نایاب، انتہائی متعدی اور جان لیوا وائرس ہے جو ایبولا کی طرح ہیمرجک بخار (شدید بخار اور خون بہنے کی کیفیت) کا باعث بنتا ہے۔ شرح اموات کے لحاظ سے یہ دنیا کے خطرناک ترین وائرسز میں سے ایک ہے۔
علامات اور بچاؤ:
اچانک تیز بخار، شدید سر درد اور پٹھوں میں کھچاؤ۔طبیعت میں شدید کمزوری اور نڈھال پن۔چند روز میں جسم کے مختلف حصوں (ناک، منہ، کان) سے خون بہنا شروع ہو سکتا ہے۔
متعدد اعضاء کی ناکامی اور خون کی شدید کمی کا باعث بننا۔
پھیلاؤ اور وجوہات:
یہ وائرس بنیادی طور پر چمگادڑوں سے انسانوں میں یا متاثرہ شخص کے جسمانی رطوبتوں (خون، قے، پیشاب وغیرہ) کے براہ راست رابطے سے پھیلتا ہے۔
متاثرہ مریض کے استعمال شدہ بستر یا آلودہ سطحوں کو چھونے سے بھی اس کے لگنے کا خطرہ ہوتا ہے۔
علاج اور بچاؤ:
اس کا کوئی مخصوص ویکسین یا اینٹی وائرل علاج تاحال موجود نہیں ہے، بلکہ ہسپتال میں مریض کی قوت مدافعت بڑھا کر اور ہائیڈریشن کے ذریعے علامات کا علاج کیا جاتا ہے۔
مریض کی دیکھ بھال کے دوران مکمل حفاظتی کٹس کا استعمال اس کے پھیلاؤ کو روکنے کا واحد طریقہ ہے۔
