کراچی: جماعت اسلامی یوتھ ضلع غربی کی جانب سے 13 جولائی کو اورنگی ٹاؤن میں ایک بائیک ریلی نکالی جائے گی۔ ریلی کا مقصد شہریوں کے ساتھ ٹریفک پولیس کی جانب سے مبینہ طور پر نمبر پلیٹ کے نام پر کی جانے والی ہراسانی اور چالان کے خلاف احتجاج ریکارڈ کرانا ہے۔
منتظمین کے مطابق، ریلی کا آغاز سلمان فارسی مسجد سے ہوگا، جبکہ اختتام پونے پانچ نمبر پر ٹریفک پولیس اورنگی سیکشن کے دفتر کے سامنے ہوگا۔
اس سلسلے میں 12 جولائی کو اورنگی ٹاؤن کے مختلف علاقوں میں آگاہی مہم بھی چلائی گئی، جس میں شہریوں کو ریلی کے مقاصد سے آگاہ کیا گیا۔
منتظمین کا کہنا ہے کہ شہریوں کو معمولی تکنیکی غلطیوں پر جرمانہ یا بدسلوکی کا سامنا ہے، جو ایک تشویش ناک رجحان بن چکا ہے۔
ریلی پرامن ہوگی اور اس کا مقصد حکام کی توجہ شہریوں کے مسائل کی طرف مبذول کرانا ہے۔
