انگلینڈ کے آل راؤنڈر معین علی نے بھارتی لیگ میں شرکت نہ کرتے ہوئے پاکستان سپر لیگ (پی ایس ایل) کھیلنے کا فیصلہ کرلیا ہے۔
وہ جنوبی افریقہ کے سابق کپتان فاف ڈوپلیسی کے بعد دوسرے کرکٹر ہیں جنہوں نے بھارتی لیگ کے بجائے پی ایس ایل میں حصہ لینے کو ترجیح دی ہے۔
معین علی نے اپنے بیان میں کہا کہ وہ ایچ بی ایل پی ایس ایل کے آنے والے سیزن کا حصہ بننے کے لیے بےحد پُرجوش ہیں اور ایک منفرد تجربے کے لیے تیار ہیں۔
ان کا مزید کہنا تھا کہ پی ایس ایل اپنی اعلیٰ کوالٹی اور عالمی معیار کے کھلاڑیوں کے باعث ایک ممتاز لیگ ہے۔ پاکستان میں کھیلنے کا تجربہ ہمیشہ خوشگوار رہا ہے اور یہاں کے شائقین کی جذباتی حمایت واقعی قابل تعریف ہے۔
