دسمبر 4، 2025
ویب ڈیسک
معروف مذہبی اسکالر اور سابق چیئرمین رویتِ ہلال کمیٹی مفتی منیب الرحمان کی طبیعت خراب ہونے پر انہیں آئی سی یو منتقل کردیا گیا ہے۔ وہ گزشتہ دو روز سے بہادرآباد کے نجی اسپتال میں زیر علاج تھے۔
نائب مفتی عبدالرزاق نقشبندی کے مطابق انہیں ابتدائی طور پر اس وقت اسپتال لایا گیا جب ڈاکٹرز نے ان کی طبیعت میں اچانک بگاڑ دیکھا۔ علاج کے باوجود ان کی حالت میں بہتری نہ آسکی۔
اسپتال ذرائع کے مطابق گزشتہ رات ان کی حالت مزید بگڑ گئی جس پر میڈیکل ٹیم نے انہیں انتہائی نگہداشت کے یونٹ میں منتقل کردیا۔ ان کے علاج کے لیے خصوصی ماہرین پر مشتمل ٹیم تشکیل دے دی گئی ہے۔
ملک بھر میں مذہبی طبقات، شاگردوں اور عوام نے تشویش کا اظہار کرتے ہوئے ان کی جلد صحت یابی کی دعا کی ہے۔ اسپتال انتظامیہ کے مطابق ان کی مسلسل نگرانی کی جا رہی ہے۔
