نیشنل گیمز میں پاکستان آرمی نے 48 گولڈ میڈلز کے ساتھ اپنی برتری مزید مضبوط کرلی ہے۔ واپڈا 14 گولڈ میڈلز کے ساتھ دوسرے جبکہ پاکستان نیوی 7 گولڈ کے ساتھ تیسرے نمبر پر ہے۔
صرف 9 سال کی عمر میں سندھ کی ننھی ایتھلیٹ کائنات ابراہیم نے 10 ہزار میٹر ریس میں کانسی کا تمغہ حاصل کرکے سب کو حیران کر دیا اور کم عمر میڈل یافتہ ایتھلیٹ بن گئیں۔
مردوں کے فٹبال ایونٹ میں پاکستان آرمی، پاکستان نیوی اور پاکستان ایئر فورس کی ٹیموں نے سیمی فائنل تک رسائی حاصل کر لی ہے۔ سیمی فائنلز 10 دسمبر جبکہ فائنل 12 دسمبر کو کھیلا جائے گا۔
نیشنل گیمز کی 100 میٹرز اسپرنٹ میں واپڈا کے سمیع اللہ اور فائقہ ریاض نے سبقت لے جا کر ملک کے تیز ترین مرد و خاتون ایتھلیٹ کا اعزاز حاصل کر لیا۔
ارشد ندیم نے جویلن تھرو میں 81.81 میٹرز کی شاندار تھرو کے ساتھ گولڈ میڈل اپنے نام کیا۔ مجموعی طور پر ایتھلیٹکس مقابلوں میں 11 گولڈ میڈلز کا فیصلہ ہو چکا ہے۔
اہم نتائج
100 میٹرز (مرد):
سمیع اللہ (واپڈا) نے 10.30 سیکنڈ میں ریس جیت کر گولڈ حاصل کیا۔ آرمی کے عثمان علی نے سلور اور راشد ریاض نے برانز جیتا۔
100 میٹرز (خواتین):
فائقہ ریاض (واپڈا) نے 11.40 سیکنڈ میں گولڈ حاصل کیا۔ خولہ عمر (ایچ ای سی) نے سلور جبکہ تمین خان (آرمی) نے برانز لیا۔
جویلن تھرو (مرد):
ارشد ندیم (واپڈا) نے 81.81 میٹرز کی تھرو کے ساتھ گولڈ جیتا۔ یاسر سلطان (واپڈا) نے سلور اور محمد ابرار (آرمی) نے برانز حاصل کیا۔
5000 میٹرز (مرد):
آرمی کے محمد اختر نے 14:36.41 کے ساتھ گولڈ جیتا۔ عامر سہیل (واپڈا) نے سلور اور محمد زوہیب (پی اے ایف) نے برانز حاصل کیا۔
ہائی جمپ (خواتین):
واپڈا کی نورین فاطمہ نے 1.53 میٹر کے ساتھ گولڈ، امتل رحمان (ایچ ای سی) نے سلور اور عروج ایوب (آرمی) نے برانز جیتا۔
لانگ جمپ (مرد):
نیوی کے انصر عباس نے 7.68 میٹر کے ساتھ گولڈ، فراز خان (واپڈا) نے سلور اور رضوان الدین (آرمی) نے برانز جیتا۔
شاٹ پٹ (مرد):
جمشید علی (آرمی) نے 16.95 میٹر کے ساتھ گولڈ حاصل کیا۔ نوشیروان (آرمی) نے سلور اور صاحبزادہ کاشف (ایچ ای سی) نے برانز لیا۔
شاٹ پٹ (خواتین):
نبیلہ کوثر (آرمی) نے 12.48 میٹر کے ساتھ گولڈ، خدیجہ ماہوین (ایچ ای سی) نے سلور اور پنجاب کی میمونہ نے برانز جیتا۔
10 ہزار میٹرز (خواتین):
واپڈا کی ماریہ بی بی نے 44:21.40 کے ساتھ گولڈ جیتا۔ ممتاز نعمت (نیوی) نے سلور جبکہ سندھ کی 9 سالہ کائنات نے برانز حاصل کر کے سب کی داد سمیٹی۔
پول والٹ (خواتین):
نوریں حسین (آرمی) نے 2.90 میٹر کے ساتھ گولڈ، عمارہ شاہین (واپڈا) نے سلور اور عظمیٰ شاہین (آرمی) نے برانز جیتا۔
3000 میٹرز اسٹپل چیس (مرد):
طلحہ سلیم (آرمی) نے 9:11.40 کے ساتھ گولڈ میڈل جیت لیا۔
