پاکستان نے دنیا بھر میں اپنی طبی صلاحیتوں کا معیار قائم کرتے ہوئے کار ٹی سیل تھراپی (CART-cell therapy) جیسے جدید علاج کو کامیابی سے انجام دے دیا۔
ریڈیو پاکستان کی رپورٹ کے مطابق مسلح افواج کے بون میرو ٹرانسپلانٹ سینٹر نے پاکستان میں پہلی بار کار ٹی سیل تھراپی کامیابی سے مکمل کر لی ہے، جس کے بعد 21 سالہ مریض مکمل صحت یابی کی منزل تک پہنچ گیا۔
آرمی میڈیکل کور کے ماہرین نے برسوں کی تحقیق کے بعد پاکستان میں پہلی کار ٹی سیل تھراپی کو کامیاب بنایا ہے، اس پر مریض اور اہل خانہ نے مثالی حوصلہ دکھایا۔
پاکستان اب دنیا کے ترقی یافتہ ممالک کی صف میں شامل ہو کر جدید کینسر کے علاج میں اہم مقام حاصل کر چکا ہے، کامیاب طبی پیشرفت قومی اعتماد کو نئی بلندی دے رہی ہے۔
