دسمبر 22، 2025
ویب ڈیسک
پاکستان میں اتوار کے روز سال کا سب سے چھوٹا دن اور طویل ترین رات دیکھی گئی، جو کہ شمالی نصف کرے میں ہونے والا ایک اہم فلکیاتی واقعہ ہے
محکمۂ موسمیات کے مطابق لاہور اور اس کے مضافات میں دن کا دورانیہ تقریباً 10 گھنٹے 10 منٹ رہا، جبکہ رات کا دورانیہ تقریباً 13 گھنٹے 50 منٹ تک بڑھ گیا۔ دیگر شہروں میں اس میں چند منٹ کا فرق دیکھا گیا۔
ماہرین کے مطابق 21 دسمبر ہر سال شمالی نصف کرے میں سب سے چھوٹے دن کے طور پر جانا جاتا ہے۔ اس کی وجہ زمین کا جھکاؤ ہے، جس کے باعث سورج کی شعاعیں اس حصے تک کم پہنچتی ہیں۔
اس دن کے بعد دن بتدریج لمبے اور راتیں چھوٹی ہونا شروع ہوجاتی ہیں، جسے موسم گرما کے آغاز کی قدرتی علامت سمجھا جاتا ہے۔
