لاہور — پاکستانی ڈیجیٹل کنٹینٹ کری ایٹر اور ابھرتی ہوئی اداکارہ مومنہ منیر کو گھر میں پیش آنے والے ایک ناگہانی حادثے کے دوران پانی میں بھیگنا پڑ گیا۔ مومنہ منیر نے اپنے گھر میں واش بیسن کے اچانک گرنے اور دیوار سے نکلتے پانی کو روکنے کی کوشش کی ایک مزاحیہ ویڈیو سوشل میڈیا پر شیئر کی ہے۔ انہوں نے ویڈیو پر “it crash hogaya mere saath” کا متن تحریر کیا جبکہ پوسٹ کے کیپشن میں لکھا کہ “who put nazar on me”۔
ویڈیو کے کمنٹس سیکشن میں ملے جلے تبصرے دیکھنے میں آئے جہاں کچھ مداحوں نے ان کی خیریت پر شکر ادا کیا اور صدقہ دینے کا مشورہ دیا، جبکہ دیگر صارفین نے ان کے اندازِ بیاں کی نقل کرتے ہوئے مزاحیہ جملے کسے۔ واضح رہے کہ مومنہ منیر نے جنوری 2017 میں اپنے یوٹیوب چینل کے ذریعے وی لاگنگ کا آغاز کیا تھا اور اپنی منفرد شناخت کے بعد انہوں نے 2024 میں ٹیلی ویژن اداکاری کی دنیا میں قدم رکھا۔
