نومبر 17، 2025
ویب ڈیسک
سعودی عرب نے حج 2026 کے لیے نئی سخت طبی پابندیاں عائد کر دی ہیں، جن کے تحت ایسے افراد کو ویزہ جاری نہیں کیا جائے گا جو سنگین دائمی یا متعدی بیماریوں میں مبتلا ہوں۔ ان بیماریوں میں ڈائیلاسز پر موجود گردوں کی خرابی، شدید دل کے امراض، جگر کا سیروسس، آکسیجن پر انحصار کرنے والی پھیپھڑوں کی بیماریاں اور پیچیدہ نیورولوجیکل مسائل شامل ہیں۔
پابندیوں میں بزرگ عازمین بھی شامل ہیں جو ڈیمینشیا میں مبتلا ہوں، ایسی خواتین جو حمل کے آخری یا خطرناک مرحلے میں ہوں، اور وہ لوگ جو کھلی تپِ دق (TB) یا ہیمرجک بخار جیسی متعدی بیماریوں میں مبتلا ہوں۔ کینسر کے وہ مریض جو علاج کے مراحل سے گزر رہے ہوں، وہ بھی ویزہ حاصل نہیں کر سکیں گے۔
سعودی حکام نے واضح کیا ہے کہ داخلے اور روانگی کے مقامات پر میڈیکل فٹنس سرٹیفکیٹس کی سختی سے جانچ کی جائے گی۔ غلط طبی معلومات فراہم کرنے کی صورت میں عازم کو اپنے خرچ پر ملک بدر بھی کیا جا سکتا ہے۔
