کراچی: شہر قائد میں دو مختلف ٹریفک حادثات نے ایک بار پھر ہیوی ٹریفک کی بے ہنگم رفتار اور قانون کی خلاف ورزیوں پر سوالیہ نشان کھڑا کر دیا۔ لانڈھی یونس مل کے قریب تیز رفتار بس کی ٹکر سے ایک شخص جاں بحق ہو گیا، جبکہ مین کورنگی روڈ پر واٹر ٹینکر نے ایک نوجوان کو کچل دیا جس کے نتیجے میں اس کا پاؤں شدید زخمی ہو گیا۔
ایس ایچ او قائدآباد خوشی محمد کے مطابق جاں بحق شخص کی شناخت 43 سالہ شمس الدین کے طور پر ہوئی، جو موٹرسائیکل پر سوار تھا۔ حادثے کے بعد بس ڈرائیور موقع سے فرار ہو گیا، جبکہ پولیس نے بس کو تحویل میں لے کر تھانے منتقل کر دیا۔ لاش کو ضابطے کی کارروائی کے لیے جناح اسپتال منتقل کیا گیا۔
دوسرا حادثہ اختر کالونی بس اسٹاپ کے قریب پیش آیا، جہاں ایک تیز رفتار واٹر ٹینکر نے موٹر سائیکل سوار کو روند ڈالا۔ نوجوان کا پاؤں بری طرح کچل گیا، جسے فوری طور پر چھیپا رضاکاروں نے طبی امداد کے لیے جناح اسپتال منتقل کیا۔ ڈرائیور ٹینکر چھوڑ کر موقع سے فرار ہو گیا۔
حادثے کے بعد علاقہ مکینوں نے مشتعل ہو کر واٹر ٹینکر کے شیشے توڑ دیے۔ پولیس نے موقع پر پہنچ کر ٹینکر کو تحویل میں
