صوبائی دارالحکومت لاہور کے سروسز اسپتال میں بدانتظامی کا سنگین واقعہ سامنے آیا ہے، جہاں بجلی کی بندش کے دوران ایمرجنسی آپریشن تھیٹر میں موبائل فون کی روشنی میں سرجری کی گئی۔
ذرائع کے مطابق گزشتہ شام ایمرجنسی وارڈ میں پیش آنے والے اس واقعے کی ویڈیو بھی سامنے آ گئی ہے، جس میں دیکھا جا سکتا ہے کہ ڈاکٹرز اور عملہ اندھیرے میں موبائل فون کی روشنی استعمال کرتے ہوئے آپریشن کرنے پر مجبور تھے۔
رپورٹس کے مطابق ہسپتال انتظامیہ ایمرجنسی میں بروقت جنریٹر بیک اپ فراہم نہ کر سکی، جس کے باعث آپریشن تھیٹر تقریباً آدھے گھنٹے تک اندھیرے میں ڈوبا رہا۔
زیراعلیٰ پنجاب مریم نواز نے واقعہ کا نوٹس لیتے ہوئے محکمہ صحت سے فوری رپورٹ طلب کرلی۔
