ایک نئی تحقیق میں انکشاف ہوا ہے کہ بچپن میں بدسلوکی، غفلت، خاندانی کشیدگی، دھمکیاں یا مالی مشکلات جیسے منفی تجربات بڑے ہونے پر ذہنی دباؤ، پریشانی اور جسمانی بیماریوں میں اضافہ کرتے ہیں۔
1958 میں پیدا ہونے والے تقریباً 16 ہزار افراد کے ڈیٹا پر مبنی اس تحقیق کے مطابق جس فرد نے جتنا گہرا صدمہ برداشت کیا، 50 سال کی عمر میں اس میں ڈپریشن، بے چینی اور درد کے امکانات اتنے ہی زیادہ پائے گئے۔
ماہرین کے مطابق خواتین میں ان صدمات کا تعلق معدے کی بیماریوں اور دمہ سے بھی زیادہ نظر آیا۔
تحقیق میں کہا گیا ہے کہ بچپن کے صدمات زندگی بھر صحت کو متاثر کر سکتے ہیں، اس لیے ایسے تجربات کو روکنے اور متاثرہ بچوں کو بروقت سہارا دینے کے لیے مؤثر اقدامات ناگزیر ہیں۔
