ضلع ویسٹ کے تھانہ پاکستان بازار کے علاقے پتنگ چوک کے قریب پولیس اور مسلح ڈاکوؤں کے درمیان فائرنگ کا تبادلہ ہوا۔
دوطرفہ فائرنگ کے نتیجے میں تین ملزمان گرفتار کیے گئے، جن میں سے ایک ملزم زخمی ہوا۔ زخمی ملزم کی شناخت عمران ولد زبیر کے نام سے ہوئی، جبکہ دیگر دو ملزمان، راحیل اور بلال، بغیر کسی چوٹ کے گرفتار ہوئے۔
گرفتار ملزمان کے قبضے سے دو غیرقانونی پستول بمعہ ایمونیشن، چلیدہ خول، موبائل فونز اور نقدی رقم برآمد ہوئی۔
ملزمان کے زیرِ استعمال موٹر سائیکل کو بھی قبضے میں لے لیا گیا ہے، اور اس کی مزید تفصیلات حاصل کی جا رہی ہیں۔
زخمی ملزم کو طبی امداد کے لیے اسپتال منتقل کیا گیا، جبکہ دیگر گرفتار ملزمان کو تھانے منتقل کیا جا رہا ہے۔ ملزمان کے خلاف ضابطے کی کارروائی عمل میں لائی جا رہی ہے اور ان کا سابقہ کرمنل ریکارڈ بھی چیک کیا جا رہا ہے۔
