کراچی: علیگڑھ انسٹیٹیوٹ آف ٹیکنالوجی (AIT) نے سندھ بورڈ آف ٹیکنیکل ایجوکیشن (SBTE) کے سالانہ امتحانات 2025 میں ایک بار پھر شاندار کارکردگی دکھاتے ہوئے صوبائی سطح پر پہلی پانچ اہم پوزیشنز اپنے نام کر لیں۔
سافٹ ویئر ٹیکنالوجی میں امِ حبیبہ نے پہلی پوزیشن حاصل کی، جبکہ بائیو میڈیکل ٹیکنالوجی میں علیشبہ مشتاق پہلی، مناہل شرافت حسین دوسری اور سارہ نے تیسری پوزیشن حاصل کی۔ آرکیٹیکچر ٹیکنالوجی میں سید محمد عبد الرحمن نے صوبائی سطح پر تیسری پوزیشن لے کر ادارے کی کامیابی میں مزید اضافہ کیا۔
مجموعی نتائج نے ثابت کیا کہ طلبہ کی محنت، اساتذہ کی رہنمائی اور ادارے کی مؤثر حکمتِ عملی علیگڑھ انسٹیٹیوٹ کی کامیابی کی بنیاد ہیں۔
پرنسپل شاہد جمیل نے کہا کہ علیگڑھ کی کامیابی اتفاق نہیں بلکہ لگن اور اعلیٰ معیار کا نتیجہ ہے۔
کنوینر سید محمد محسن کاظم نے کہا کہ یہ پوزیشنز ادارے کی برتری کا ثبوت ہیں اور 2025 میں بھی علیگڑھ نے اپنی روایت برقرار رکھی۔
دونوں ذمہ داران نے شعبہ جات کی سربراہان ردا فاطمہ، تسنیم آرزو، اور مدیحہ یونس کو ان کی بہترین قیادت پر خصوصی مبارکباد پیش کی۔
