قصور: ڈسٹرکٹ پولیس آفیسر محمد عیسیٰ خان کی خصوصی ہدایت پر ایس ایچ او بی ڈویژن محمد اسلم بھٹی کی قیادت میں پولیس نے منشیات اور شراب اسمگلنگ میں ملوث گروہ کے خلاف بڑی کارروائی کرتے ہوئے 7 ملزمان کو گرفتار کر لیا۔
پولیس کے مطابق ملزمان کے قبضے سے ایک کروڑ روپے مالیت کی وائیٹ کرسٹل ہیروئن، 50 لاکھ روپے مالیت کا جدید ڈرون اور 28 لاکھ روپے مالیت کی 14 بیٹریاں برآمد ہوئیں۔
منشیات سمگلنگ میں ملوث رمضان عرف جانی، عرفان سکنہ روہیوال اور ایاز سکنہ ماڈل ٹاؤن لاہور کو بائی پاس کے قریب خصوصی ناکہ بندی کے دوران گرفتار کیا گیا۔ پولیس کے مطابق گرفتار ملزمان بدنامِ زمانہ اسمگلر ہیں جو سرحدی علاقوں میں منشیات کی سپلائی کرتے تھے۔ ان کے خلاف امتناع منشیات ایکٹ کے تحت مقدمات درج کر لیے گئے ہیں۔
اسی کارروائی میں ولایتی شراب فروشی میں ملوث 4 ملزمان — عرفان، لطیف، شاداب اور شاہزیب — کو بھی گرفتار کر لیا گیا، جن کے قبضے سے 95 بوتلیں شراب برآمد ہوئیں۔ ان کے خلاف بھی علیحدہ مقدمات درج کر لیے گئے ہیں۔
