لاہور: پولیس نے سیف سٹی کیمروں کی مدد سے خاتون کو ہراساں کرنے والے رکشہ ڈرائیور کو گرفتار کرلیا۔ واقعہ سامنے آنے پر ڈی آئی جی آپریشنز نے نوٹس لیتے ہوئے ایس پی ماڈل ٹاؤن شہربانو نقوی کو خصوصی ٹیم تشکیل دینے کی ہدایت کی، جس کے بعد ایس ایچ او لیاقت آباد نے ملزم کو حراست میں لے لیا۔
اے ایس پی ماڈل ٹاؤن کے مطابق متاثرہ خاتون گلبرگ سے گھر جانے کے لیے رکشے میں سوار ہوئی تھی اور سی سی ٹی وی فوٹیج میں اسے رکشے میں بیٹھتے ہوئے دیکھا جا سکتا ہے۔
اے ایس پی کشمالہ فاروق نے بتایا کہ پھاٹکی کے قریب رکشہ ڈرائیور نے خاتون کا بازو پکڑ کر اسے ہراساں کیا۔ ملزم محمد علی کے خلاف مقدمہ درج کرکے اسے انویسٹی گیشن ٹیم کے حوالے کر دیا گیا ہے۔
ایس پی شہربانو نقوی نے واضح کیا کہ خواتین کو ہراساں کرنے والے کسی رعایت کے حقدار نہیں۔
