لاہور – محافظ ٹاؤن کے علاقے میں 18 سالہ لڑکی کے ساتھ اجتماعی زیادتی کرنے والے چار ملزمان کو پولیس نے تین گھنٹوں میں گرفتار کرلیا۔
پولیس کے مطابق مرکزی ملزم محسن نے لڑکی فاطمہ کو بہانے سے محافظ ٹاؤن میں واقع ایک عمارت کی چھت پر بلایا، جہاں اس نے اپنے تین ساتھیوں کے ساتھ مل کر اسے زیادتی کا نشانہ بنایا۔ واقعے کے دوران ملزم شفیق نے نازیبا ویڈیو بنائی اور متاثرہ لڑکی کو تشدد کا نشانہ بھی بنایا۔
ایس پی ماڈل ٹاؤن اخلاق اللہ تارڑ نے مقدمے کی نگرانی خود کی۔ پولیس کے مطابق ملزمان کے خلاف تھانہ کاہنہ میں دفعہ 375A کے تحت مقدمہ درج کرلیا گیا ہے۔
ایس پی اخلاق اللہ تارڑ کا کہنا ہے کہ گرفتار ملزمان میں محسن، شفیق، جاوید اور ذیشان شامل ہیں۔ ایسے گھناونے جرائم میں ملوث افراد کسی رعایت کے مستحق نہیں۔
