لاہور: کاہنہ کے علاقے میں چند روز قبل ملنے والے انسانی ڈھانچے کی شناخت کر لی گئی، پولیس تحقیقات میں لرزہ خیز حقائق سامنے آ گئے۔
پولیس ذرائع کے مطابق آڈٹ اینڈ اکاؤنٹس سوسائٹی سے ملنے والا ڈھانچہ ایک خاتون، مارگریٹ، کا تھا۔ تفتیش میں انکشاف ہوا کہ خاتون کو اس کے دو سگے بیٹوں شفیق جیمس اور نبیل جیمس نے گلا دبا کر قتل کیا اور لاش پھینک دی۔
لاش سے کچھ فاصلے پر زمین میں دبا ہوا ایک شاپنگ بیگ ملا، جس میں سے کچھ رقم اور بجلی کے بل برآمد ہوئے۔ بجلی کے بلوں کی مدد سے پولیس نے ایس ڈی او سے رابطہ کیا اور مقتولہ کے گھر تک پہنچ کر اس کے لاپتا ہونے کی تصدیق کی۔
دوران تفتیش دونوں بیٹوں نے اعتراف کیا کہ وہ آئس کے نشے کے عادی تھے اور نشے کے لیے والدہ سے پیسے مانگے، انکار پر طیش میں آ کر قتل کر دیا۔ ملزمان نے لاش رکشے میں ڈال کر کھیتوں کے قریب پھینک دی۔ مقتولہ گھروں میں کام کاج کرتی تھی اور پچاس ہزار روپے جمع کر رکھے تھے
