لاہور کے علاقے گرین ٹاؤن میں پولیس نے 13 سالہ طالبعلم سے نازیبا حرکات اور بدفعلی کی کوشش کے الزام میں آن لائن ٹیکسی ڈرائیور کو گرفتار کر لیا ہے۔
پولیس کے مطابق ملزم طالبعلم کو اسکول سے گھر چھوڑنے جا رہا تھا کہ دورانِ سفر اس نے نازیبا حرکات کیں۔ بچے کے شور مچانے پر ملزم اسے گھر کے باہر چھوڑ کر موقع سے فرار ہو گیا۔
گرین ٹاؤن پولیس نے جدید ٹیکنالوجی کی مدد سے ملزم کو ٹریس کر کے گرفتار کیا۔ ملزم کے خلاف مقدمہ درج کر کے اسے مزید کارروائی کے لیے جینڈر سیل کے حوالے کر دیا گیا ہے۔
ایس پی صدر رانا حسین طاہر نے بروقت اور مؤثر کارروائی پر ایس ایچ او اور پولیس ٹیم کو شاباش دیتے ہوئے تعریفی اسناد دینے کا اعلان کیا ہے۔
