کراچی: ڈالمیا ڈرگ روڈ پر ڈکیتی کی کوشش کے دوران فائرنگ کے تبادلے میں ایک مبینہ ڈاکو ہلاک ہو گیا۔
پولیس کے مطابق دو مسلح ملزمان نے شہری سے موبائل فون چھین کر فرار ہونے کی کوشش کی، تاہم شہری نے مزاحمت کرتے ہوئے ایک ملزم کو قابو کر لیا۔ مزاحمت کے دوران فائرنگ کے نتیجے میں ملزم موقع پر ہی مارا گیا۔
ہلاک ملزم کے قبضے سے پانچ موبائل فون، ایک پستول بمعہ میگزین اور گولیاں، اور دیگر چھینا گیا سامان برآمد ہوا۔ دوسرا ساتھی فرار ہونے میں کامیاب ہو گیا۔
پولیس نے لاش کو ضابطے کی کارروائی کے لیے اسپتال منتقل کر دیا ہے اور مفرور ملزم کی تلاش شروع کر دی ہے
