کراچی (ضلع ویسٹ): تھانہ منگھوپیر پولیس نے خفیہ اطلاع پر کارروائی کرتے ہوئے ڈکیتی، چوری اور رہزنی کی وارداتوں میں ملوث دو ملزمان کو گرفتار کرلیا ہے۔
ایس ایس پی ویسٹ طارق الٰہی مستوئی کے مطابق، پولیس نے منگھوپیر اجتماع گاہ روڈ پر کارروائی کے دوران دونوں ملزمان کو حراست میں لیا۔
تفتیش کے دوران انکشاف ہوا کہ ملزمان نے 9 اکتوبر 2025 کو شہری دلاور خان کے گھر میں چوری کی واردات کی تھی۔ اس واردات کا مقدمہ نمبر 751/2025 بجرم دفعات 380/457/34 تعزیراتِ پاکستان کے تحت تھانہ منگھوپیر میں درج کیا گیا تھا۔
گرفتار ملزمان کے قبضے سے غیرقانونی اسلحہ بمعہ ایمونیشن، چوری شدہ لیپ ٹاپ، استری، موبائل فون اور نقدی رقم برآمد کر لی گئی ہے۔
ملزمان کے خلاف سندھ آرمز ایکٹ کے تحت بھی علیحدہ مقدمہ درج کر کے مزید تفتیش کا آغاز کر دیا گیا ہے۔
گرفتار ملزمان کی شناخت محمد ایاز ولد محمد شہباز اور محمد شہباز ولد شمروز کے ناموں سے ہوئی ہے۔
