کراچی (ضلع کیماڑی): تھانہ ڈاکس پولیس نے ویسٹ وہارف روڈ پر کارروائی کرتے ہوئے ڈکیتی کے دوران مزاحمت پر فائرنگ کرکے شہری کو زخمی کرنے والے مطلوب ملزم کو گرفتار کرلیا۔
گرفتار ملزم کی شناخت ابراہیم عرف بجلی کے نام سے ہوئی ہے۔
پولیس کے مطابق، ملزم کے قبضے سے غیرقانونی پستول بمعہ ایمونیشن برآمد کرلیا گیا ہے۔
تحقیقات میں انکشاف ہوا کہ مورخہ 19 جون 2025 کو تھانہ آرام باغ کی حدود میں ایک واردات کے دوران مزاحمت پر ملزم نے ارشاد علی نامی شہری کو دونوں ٹانگوں میں گولیاں مار کر شدید زخمی کیا تھا۔
اس واقعے کا مقدمہ نمبر 225/25 بجرم دفعات 394/397/34 تعزیراتِ پاکستان کے تحت تھانہ آرام باغ میں درج کیا گیا تھا۔
ملزم کو سی سی ٹی وی فوٹیج کی مدد سے شناخت کے بعد گرفتار کیا گیا۔
مزید یہ کہ، ملزم کا شمار عادی جرائم پیشہ افراد میں ہوتا ہے، اور وہ متعدد مقدمات میں گرفتار ہوکر جیل جا چکا ہے۔ اس کا نام پولیس کے ریپیٹ آفینڈرز کی فہرست میں بھی شامل ہے۔
گرفتاری کی کارروائی ایس ایچ او تھانہ ڈاکس انسپکٹر نند لال کی سربراہی میں پولیس پارٹی نے انجام دی۔
ملزم کے خلاف سندھ آرمز ایکٹ کے تحت مقدمہ درج کر کے مزید تفتیش جاری ہے۔
