کراچی – بن قاسم پولیس نے اسٹیل مل سے لوہا، تانبا اور دیگر قیمتی سامان چوری کرنے والے گروہ کے خلاف کارروائی تیز کر دی ہے۔
ترجمان ملیر پولیس کے مطابق خفیہ اطلاع پر کی گئی کارروائی میں بن قاسم تھانے کی حدود سے ایک ملزم کو گرفتار کیا گیا۔ گرفتار ملزم کی شناخت اسد علی کے نام سے ہوئی ہے، جس کے قبضے سے چوری شدہ لوہا اور اسکریپ برآمد ہوا۔
پولیس کے مطابق ملزم چوری شدہ اسکریپ مختلف گوداموں میں فروخت کرتا تھا۔ ملزم کے خلاف مقدمہ درج کر کے مزید تحقیقات شروع کر دی گئی ہیں۔
