کراچی: ابراہیم حیدری کے علاقے میں شادی کی تقریب کے دوران ہوائی فائرنگ کرنے والوں کے خلاف پولیس نے کریک ڈاؤن کرتے ہوئے چار افراد کو گرفتار کر لیا۔
پولیس کے مطابق شادی کی تقریب میں ہوائی فائرنگ کی اطلاع ملتے ہی فوری کارروائی کی گئی، جس کے دوران فائرنگ میں ملوث چار ملزمان کو حراست میں لے لیا گیا۔
پولیس کا کہنا ہے کہ گرفتار ملزمان کے خلاف قانونی کارروائی کا آغاز کر دیا گیا ہے، جبکہ مزید تفتیش جاری ہے۔
