کراچی — کراچی پولیس نے ایک ملزم کو کمسن بچوں کے ساتھ بدفعلی و غلط حرکات کرتے ہوئے رنگے ہاتھوں گرفتار کر لیا ہے۔
ڈسٹرکٹ سٹی پولیس کے ترجمان کے مطابق، ملزم کو تھانہ عیدگاہ کی حدود میں ایک 12 سالہ بچے کے ساتھ مبینہ زیادتی کے دوران حراست میں لیا گیا۔ گرفتار ملزم کی شناخت حیدر علی کے نام سے ہوئی ہے۔
پولیس کا کہنا ہے کہ ملزم نے اپنے اعترافی بیان میں انکشاف کیا ہے کہ وہ بچوں کو چیزوں کا لالچ دے کر ویران مقامات پر لے جاتا تھا اور ان سے بد فعلی کرتا تھا۔
پولیس کے مطابق، ملزم اب تک متعدد بچوں کے ساتھ بدفعلی کا اعتراف کر چکا ہے، جس پر اس کے خلاف مقدمہ درج کر لیا گیا ہے۔ دیگر قانونی کارروائیاں عمل میں لائی جا رہی ہیں۔
