نیویارک — سابق امریکی صدر باراک اوباما نے نیویارک کے آئندہ میئر الیکشن میں ظہران ممدانی کی حمایت کی یقین دہانی کرادی ہے، جو ان کی انتخابی مہم کے لیے ایک اہم پیش رفت قرار دی جا رہی ہے۔
مقامی میڈیا رپورٹس کے مطابق اوباما کی ٹیم نے ممدانی کے وژن پر اعتماد کا اظہار کرتے ہوئے کہا کہ وہ کمیونٹی کو بااختیار بنانے، معاشی انصاف اور شفاف حکمرانی کے لیے بھرپور عزم رکھتے ہیں۔ سیاسی مبصرین کے مطابق اوباما کی حمایت نوجوان اور مختلف طبقوں کے ووٹرز کو متحرک کرنے میں اہم کردار ادا کر سکتی ہے۔
ظہران ممدانی نے اس حمایت پر خوشی کا اظہار کرتے ہوئے کہا کہ وہ نیویارک کو منصفانہ اور نمائندہ طرزِ حکومت دینے کے لیے اپنی جدوجہد جاری رکھیں
گے۔
