علی پور: علی پور میں نجی اسکول کی طالبات اور خواتین اساتذہ سے زیادتی اور ان کی ویڈیوز وائرل کرنے کے سنگین اسکینڈل میں نئی پیشرفت سامنے آئی ہے۔
پولیس ذرائع کے مطابق مرکزی ملزم ہدایت رضوی کے خلاف ایک اور مقدمہ درج کرلیا گیا ہے، جو متاثرہ ٹیچر کے والد کی مدعیت میں درج ہوا۔
ایف آئی آر کے مطابق ملزم گزشتہ تین برس سے ویڈیوز بنا کر بلیک میلنگ اور زیادتی میں ملوث تھا۔ ملزم اسکول کا ریکارڈ ترتیب دینے کے بہانے اساتذہ کو گھر بلاتا اور وہاں انہیں جنسی زیادتی کا نشانہ بناتا تھا۔
مدعی کے مطابق ملزم ویڈیوز وائرل کرنے کی دھمکی دے کر متعدد بار متاثرہ خاتون کو زیادتی کا نشانہ بناتا رہا۔
