بورے والا— تھانہ صدر کی حدود عثمان ٹاؤن میں ایک شادی شدہ شخص کو سفاکانہ طریقے سے قتل کردیا گیا، جب اس کی بیوی نے مبینہ آشنا کے ہمراہ اس کے سر پر اینٹیں مار کر جان لے لی۔
پولیس کے مطابق مقتول کو سر پر وار کیے جانے کے نتیجے میں موقع پر ہی موت واقع ہوگئی، جبکہ لاش کو پوسٹ مارٹم کے لیے اسپتال منتقل کر دیا گیا ہے۔
پولیس کا کہنا ہے کہ مقتول کی بیوی اور اس کے مبینہ آشنا کو گرفتار کر لیا گیا ہے۔ ابتدائی معلومات کے مطابق واقعہ اس وقت پیش آیا جب مقتول نے دونوں کو قابلِ اعتراض حالت میں دیکھ لیا تھا۔ پولیس نے مزید تحقیقات شروع کر دی ہیں۔
