گھریلو تشدد کے مقدمے کے باعث سابق آسٹریلوی کرکٹر مائیکل سلیٹر کی تاحیات ممبرشپ ختم کر دی گئی ہے۔
آسٹریلوی میڈیا کے مطابق نیو ساؤتھ ویلز کرکٹ نے مائیکل سلیٹر کی لائف ٹائم ممبرشپ کے ساتھ ساتھ انہیں دیا گیا ہال آف فیم کا اعزاز بھی واپس لے لیا ہے۔ رپورٹس میں بتایا گیا کہ گھریلو تشدد کیس سامنے آنے کے بعد این ایس ڈبلیو کی جنرل میٹنگ میں ووٹنگ کے ذریعے یہ فیصلہ کیا گیا کہ مائیکل سلیٹر اب لائف ممبر نہیں رہیں گے۔
یاد رہے کہ 2022 میں مائیکل سلیٹر کو گھریلو تشدد کے مقدمے میں سزا سنائی گئی تھی اور وہ سات مختلف الزامات میں مجرم قرار پائے تھے۔
انہیں 2015 میں ہال آف فیم میں شامل کیا گیا تھا جبکہ 2016 میں لائف ٹائم ممبرشپ سے نوازا گیا تھا۔
