ویمن ٹینس کھلاڑیوں نے ایک بار پھر زیادہ آمدنی کے معاملے میں دیگر ایتھلیٹس کو پیچھے چھوڑ دیا ہے، اور اس فہرست میں ٹینس اسٹار کوکو گوف سب سے آگے نکل آئی ہیں۔
امریکی میڈیا کی رپورٹ کے مطابق، 2025 میں سب سے زیادہ کمائی کرنے والی ایتھلیٹس کی تفصیلات جاری ہوگئی ہیں، جن میں کوکو گوف اس سال سب سے زیادہ کمائی کرنے والی کھلاڑی قرار پائی ہیں۔
کوکو گوف نے اس سال 31 ملین امریکی ڈالرز کمائے، جن میں 8 ملین ڈالرز پرائز منی جبکہ 23 ملین ڈالرز اسپانسر شپ اور دیگر ڈیلز سے حاصل کیے۔
دوسری جانب ٹینس اسٹار ارینا سبالنکا نے اس سال 30 ملین ڈالرز کمائے، جن میں سے 15 ملین ڈالرز پرائز منی اور باقی رقم مختلف معاہدوں سے ملی۔
ومبلڈن چیمپئن ایگا شویٹک نے 23.1 ملین ڈالرز کمائے — 10.1 ملین پرائز منی اور 13 ملین تجارتی معاہدوں سے حاصل کیے۔
رپورٹ کے مطابق، کوکو گوف مسلسل تیسرے سال دنیا کی سب سے زیادہ کمانے والی ویمن ایتھلیٹ قرار پائی ہیں۔
دلچسپ بات یہ ہے کہ اب تک صرف چار ویمن ایتھلیٹس ہی کسی ایک سال میں 30 ملین ڈالرز سے زائد کمائی کر چکی ہیں — کوکو گوف، ارینا سبالنکا، نومی اوساکا اور سرینا ولیمز۔
سب سے زیادہ کمانے والی 15 ایتھلیٹس میں 10 ٹینس پلیئرز شامل ہیں، جبکہ ٹاپ 10 میں 7 ڈبلیو ٹی اے کھلاڑی ہیں۔
اس کے علاوہ فری اسٹائل اسکائیر ایلین گو نے بھی اس سال 23 ملین ڈالرز کمائے۔
