بہاولپور: بہاولپور میں افسوسناک واقعہ پیش آیا جہاں باپ اور بیٹے نے مبینہ طور پر شادی کے روز ہی اپنی بیٹی کو قتل کر دیا۔
پولیس کے مطابق واقعہ بستی سکھیل میں پیش آیا، جہاں ملزمان نے لڑکی کو تشدد کا نشانہ بنانے کے بعد قتل کر کے اس کی لاش کھیتوں میں پھینک دی۔
تحقیقات میں بتایا گیا کہ مقتولہ کو اس کی پھوپھی نے بچپن سے گود لے رکھا تھا، جبکہ اس کا باپ ایک روز قبل اسے اپنے گھر لے آیا تھا۔ پولیس کا کہنا ہے کہ باپ اور بیٹا اس شادی پر ناراض تھے، جس کی وجہ سے یہ اندوہناک قتل پیش آیا۔
پولیس نے مقدمہ درج کر کے ملزمان کی تلاش شروع کر دی ہے۔
