کراچی، 7 ستمبر 2025 — نارتھ کراچی ناظم آباد کے علاقے ناگن چورنگی کے قریب پولیس کارروائی کے دوران ایک اہلکار معمولی زخمی ہوگیا۔ یہ کارروائی شاہراہ نور جہاں تھانے کی حدود میں عمل میں آئی۔
ایس ایس پی سینٹرل کے ترجمان ذیشان شفیق صدیقی کے مطابق پولیس نے مشتبہ موٹر سائیکل سواروں کو رکنے کا اشارہ کیا لیکن ملزمان نے فرار ہونے کی کوشش کی، جس پر پولیس نے فوری کارروائی کرتے ہوئے انہیں گرفتار کرلیا۔
پولیس کے مطابق تعاقب کے دوران 28 سالہ کانسٹیبل تنویر خان ولد محمد اکبر خان (بیلٹ نمبر 49382) زمین پر گرنے سے زخمی ہوا اور اس کے جسم کے مختلف حصوں پر خراشیں آئیں۔ اہلکار کو قریبی اسپتال منتقل کر کے ابتدائی طبی امداد فراہم کی گئی۔
پولیس نے بتایا کہ گرفتار ملزمان سے مزید تفتیش جاری ہے
