وفاقی وزیر مصطفیٰ کمال نے کہا ہے کہ 5 سال بعد ہم انڈونیشیا کو پیچھے چھوڑ کر چھٹا بڑا ملک بن جائیں گے۔
تفصیلات کے مطابق وفاقی وزیر مصطفیٰ کمال نے نجی یونیورسٹی کے کانووکیشن سے خطاب کرتے ہوئے کہا کہ پاکستان انڈونیشیا کو پیچھے چھوڑ کر پانچ سالوں میں آبادی کے لحاظ سے چھٹا بڑا ملک بن جائے گا گے، ہر سال 62 لاکھ کے قریب بچوں کی پیدائش ہوتی ہے۔
انھوں نے کہا کہ دنیا گلوبل ولیج ہے ہمیں اس کے مطابق تعلیم اور اچھا کردار چاہیے، اچھا کردار رکھنے والا انسان پورے معاشرے کو تبدیل کرسکتا ہے۔
وفاقی وزیر صحت مصطفیٰ کمال نے شکوہ کرتے ہوئے کہا کہ مجھے اپنی وزارت میں لوگ لگانے ہوتے ہیں لیکن اچھے کردار والا کوئی نہیں ملتا، کوئی اچھا کردار والا نہیں ملتا تو پھر دیکھنا پڑتا ہے کہ کم برائی والا کون ہے۔
مصطفیٰ کمال نے مزید کہا کہ تعلیم ہی خود کو منوانے کا بنیادی ذریعہ ہے، حکومت بہترین تعلیمی سہولتیں دینے میں ناکام رہی اس لیے نجی سیکٹر نے جگہ لی۔
خیال رہے کہ پاکستان میں آبادی کا بڑھتا ہوا تناسب ایک طرح سے نیشنل کرائسز بن چکا ہے، ہر سال 61 لاکھ سے زائد افراد کا اضافہ تشویشناک ہے، پاکستان آبادی کے لحاظ سے دنیا کے بڑے ملکوں میں آچکا ہے۔
پانچ سال بعد پاکستان آبادی کے لحاظ سے انڈونیشیا کو پیچھے چھوڑ دے گا اور پاکستان جلد آبادی کے لحاظ سے دنیا کا چوتھا یا پانچوں بڑا ملک بن جائے گا، جنوبی ایشیا میں سب سے زیادہ شرح پیدائش پاکستان میں ہے۔
