قصور: تھانہ راجہ جنگ کی حدود میں مبینہ پولیس مقابلے کے دوران ایک ملزم اپنے ہی ساتھیوں کی فائرنگ سے ہلاک ہو گیا۔
پولیس ذرائع کے مطابق چند روز قبل حویلی خوشحال سنگھ میں پانچ سالہ بچے کو مبینہ طور پر زیادتی کے بعد قتل کیا گیا تھا، جس میں ہلاک ہونے والا ملزم ملوث تھا۔ ملزم مقتول بچے کا ہمسایہ بتایا جا رہا ہے۔
پولیس نے تصدیق کی ہے کہ ہلاک ملزم کی شناخت عمر کے نام سے ہوئی ہے۔ واقعے کی میڈیا میں رپورٹنگ کے بعد وزیر اعلیٰ پنجاب مریم نواز نے بھی اس افسوسناک واقعے کا نوٹس لیتے ہوئے حکام سے رپورٹ طلب کر لی ہے۔
