شکارپور میں قومی شاہراہ بائی پاس پر باراتیوں کی بس پر فائرنگ کے نتیجے میں دلہا سمیت تین افراد جاں بحق ہو گئے۔
پولیس کے مطابق فائرنگ کے واقعے میں دلہا، اس کا بھائی اور بس ڈرائیور موقع پر ہی جان کی بازی ہار گئے، جبکہ ایک خاتون زخمی ہو گئی جسے طبی امداد کے لیے اسپتال منتقل کر دیا گیا۔
پولیس حکام کا کہنا ہے کہ بارات شکارپور سے جیکب آباد جا رہی تھی، ابتدائی تحقیقات کے مطابق واقعہ پرانی دشمنی کا شاخسانہ ہے۔ ملزمان کی گرفتاری کے لیے کارروائیاں جاری ہیں۔
