ڈرگ ریگولیٹری اتھارٹی آف پاکستان (ڈریپ) نے سکون آور اور دردکش ادویات سے متعلق اہم فیصلہ کر لیا ہے۔
ڈریپ ذرائع سے ملنے والی اطلاعات کے مطابق ڈریپ نے سکون آور اور دردکش ادویات کے خام مال کا کوٹہ الاٹمنٹ آن لائن کرنے کا فیصلہ کیا ہے۔ کوٹہ الاٹمنٹ سسٹم کو آئن لائن کرنے کا مقصد شفافیت کو یقینی بنانا ہے۔
اس حوالے سے ڈرگ ریگولیٹری اتھارٹی نے کنٹرولڈ ڈرگز کوٹہ ایلوکیشن سسٹم بھی تیار کر لیا ہے۔ آن لائن کنٹرولڈ ڈرگز خام مال کوٹہ الاٹمنٹ کا فیصلہ فریقین کی مشاورت سے کیا گیا ہے اور ڈریپ نے پی پی ایم اے، پی بی، فارما کمپنیز، اے این ایف کو اس سلسلے میں مراسلے بھی جاری کر دیے گئے ہیں۔
ذرائع کا کہنا ہے کہ فارما کمپنیز کو 2026 کا کنٹرولڈ ڈرگز خام مال کوٹہ آن لائن جاری ہو گا۔ یکم جنوری سے کنٹرولڈ ڈرگز کوٹہ کیلیے ہارڈ کاپی درخواست وصول نہیں ہو گی بلکہ کمپنیز کوٹے کے لیے الیکٹرانک درخواستیں دینا ہوں گی۔
یہ درخواستیں ای ایپ سسٹم سے جمع ہوں گی اور فارما کمپنیز کو کنٹرولڈ ڈرگز کوٹہ الاٹمنٹ سرٹیفکیٹ آن لائن جاری کیا جائے گا۔ کنٹرولڈ ڈرگز کوٹہ الاٹمنٹ ای ایپ سسٹم کو چلانے کے لیے اسٹاف کی ٹریننگ بھی مکمل کر لی گئی ہے۔
